Լաբորատորիա, Ախտորոշման կենտրոն
«ԷկոՍենս» լաբորատոր ախտորոշիչ կենտրոնում, լաբորատոր հետազոտությունների հետ մեկտեղ, մատուցվում են մի շարք այլ բժշկական ծառայություններ, այդ թվում՝ նեղ մասնագետների բժշկական խորհրդատվություն, ինչպես նաև գործիքային հետազոտություն՝ առաջատար արտադրողների լավագույն և գերժամանակակից սարքավորումներով:
Ծառայություններ
13+ մասնաճյուղեր
2,5 մլն+ սպասարկված հաճախորդներ
500+ անալիզների տեսակներ
Կարծիքներ
-
Արդյունավետ բուժումը սկսում է ճիշտ ախտորոշումից։ Մեր հարյուրավոր
գոհունակ և բուժված պացիենտների ճշգրիտ ախտորոշումը անհնար կլիներ առանց
մեր վաղեմի գործընկեր «ԷկոՍենս»-ի։ Աշխատանքի հանդեպ պրոֆեսիոնալ և
պատասխանատու մոտեցման շնորհիվ «ԷկոՍենս»-ը մեզ համար վստահելի և իր ոլորտում
լավագույն լաբորատորիան է։
Ջի․կլինիկ
-
Տարիներ շարունակ «ԷկոՍենս» ախտորոշիչ կենտրոնը եղել է «Գոլդս Ջիմ» Մարզաակումբի («Ֆիտնես Գրուպ» ՍՊԸ) լավ և հուսալի գործընկերը։ Միասին անցել ենք ճանապարհ և ամեն հաջորդ քայլի հետ համոզվել, որ գործ ունենք իրազեկ, բարձր մասնագիտական որակ ցուցաբերող, պարտաճանաչ և հոգատար թիմի հետ։ Անգամ համաճարակի պայմաններում «ԷկոՍենս» լաբորատորիայի թիմն իրեն ցուցաբերեց որպես միշտ զգոն, պատրաստակամ և կոմպետենտ գործընկեր։
Շնորհակալ ենք համագործակցության համար։
Gold's Gym
Հաճախ Տրվող Հարցեր
Այո, նմուշառման ժամանակ հնարավոր են ուշագնացության դեպքեր՝ պայմանավորված հիմնականում ասեղի ծակոցի և/կամ արյան տեսքի նկատմամբ ունեցած վախերով: Եթե Ձեզ մոտ արդեն իսկ արձանագրվել է նման դեպք կամ ունեք ենթադրելու հիմնավոր պատճառ՝ խնդրում ենք հետևել մեր ուղեցույցին․
- Տեղեկացրե՛ք թիմին. նախքան արյան հավաքագրումը տեղեկացրեք բժշկական թիմին՝ ուշագնացության Ձեր հակվածության մասին, որպեսզի ստանաք՝ լրացուցիչ հոգեբանական և մասնագիտական աջակցություն, նմուշառուման ողջ ընթացքում․
- Մի՛ դիտեք. Խուսափեք նմուշառման գործընթացը դիտելուց, շեղեք Ձեր ուշադրությունը՝ լսելով հանգստացնող երաժշտություն․
- Պառկե՛ք. Գլխապտույտի դեպքում պառկեք մեջքին՝ ոտքերը վեր բարձրացրած, ինչը կմեծացնի արյան շրջանառությունը և կկանխի ուշագնացությունը․
- Թուլացրե՛ք սերտ հարող հագուստը. Համոզվեք, որ Ձեր հագուստը չի խոչընդոտում արյան շրջանառությանը․
- Ջու՛ր խմեք․ Ջուրը նույնպես նպաստում է արյան ճնշման կարգավորմանը․
- Քաղցր կերեք նմուշառումից հետո․ Միրգը, հյութը կամ այլ քաղցրավենիքը կօգնի բարձրացնել գլյուկոզի մակարդակն արյան մեջ և կվերականգնի Ձեր ուղեղի էներգիան․
- Պահպանե՛ք հանգստություն․ Դուք գտնվում եք բժշկական կազմակերպությունում և Ձեզ սպասարկում է հմուտ բժշկական անձնակազմ։
Նշված երկու հետազոտությունները կարող եք հանձնել միայն «Էկոսենս»-ի Հր․ Քոչարի մասնաճյուղում (Հասցե՝ ք․ Երևան, Հր․ Քոչարի 7/3 շ․), ընդ որում՝ աշխատանքային օրերին մինչև ժամը 13։00։
Սիրելի՛ հաճախորդ, «Էկոսենս» -ում գործում է արդյունքների ստացման մի քանի եղանակ․
- Եթե Դուք գրանցվելիս տրամադրել եք հեռախոսահամար, ապա կստանաք sms հաղորդագրություն՝ արդյունքները պատրաստ լինելու մասին․
- Եթե Դուք գրանցվելիս տրամադրեք էլեկտրոնային հասցե, ապա արդյունքների հաստատումից հետո, ինքնաշխատ եղանակով (ավտոմատ), կստանաք Ձեր արդյունքները՝ Ձեր կողմից նշված էլեկտրոնային հասցեին․
- Եթե Դուք ցանկանաք արդյունքները ստանալ WhatsApp հարթակի միջոցով, ապա զանգահարեք «Զանգերի կենտրոն»՝ 8676 և/կամ 044 500 400 հեռախոսահամարներով, և Ձեզ կտրամադրվի համապատասխան ծածկագիրը (շտրիխ կոդ), ինչպես նաև արդյունքները կուղարկվեն Ձեր WhatsApp-ին՝ աշխատակցի կողմից․
- Եթե ցանկանաք արդյունքները ստանալ առձեռն, ապա կարող եք մոտենալ ցանկացած մասնաճյուղ՝ ստացականով կամ անձը հաստատող փաստաթղթով, և ստանալ Ձեր արդյունքները։
Այո, հնարավոր է․ հարկավոր է գրանցվելիս թողնել էլեկտրոնային հասցեն, ինքնաշխատ եղանակով արդյունքները կառաքվեն Ձեր էլեկտրոնային հասցեին, իսկ թղթային տարբերակի համար, կարող եք մոտենալ «Էկոսենս»-ի ցանկացած մասնաճյուղ՝ ստացականով կամ անձը հաստատող փաստաթղթով:
