Էխոսրտագրություն

Էխոսրտագրությունը սրտի հետազոտման սրտային ախտանիշներով հիվանդներին գնահատելու լայնորեն տարածված մեթոդ է, որի  միջոցով կարելի է գնահատել սրտի կառուցվածքային փոփոխությունները, խոռոչների չափերը, սրտամկանի պատերի հաստությունը, ձախ փորոքի սիստոլիկ և դիաստոլիկ ֆունկցիաները, փականների ֆունկցիան։

Այս մեթոդով հնարավոր է հայտնաբերել և դինամիկ հսկողություն իրականացնել տարբեր պատճառներից առաջացած կծկողականության խանգարումները, թոքային հիպերտենզիան, պերիկարդի հիվանդությունները, սրտի փականային հիվանդությունները, ներսրտային գոյացությունները, սրտի բնածին արատները:

Էխոսրտագրության ցուցումներն են ՝ հևոցը,  կրծքավանդակի ցավերը, սրտի ռիթմի խանգարումները, զարկերակային հիպերտենզիան, սրտային անբավարարության ախտանիշները, քրոնիկ տոնզիլիտը, ԷՍԳ պաթոլոգիկ փոփոխությունները, սրտամկանի տարած ինֆարկտը, կարդիոմիոպատիաները։ Հետազոտությունն  անվտանգ է, չունի հակացուցումներ։