Թիրեոտրոպ հորմոն TSH

TSH-ը հիպոֆիզի առաջային բլթի հորմոն է, որը կարգավորում է T3 և T4 սեկրեցիան և խթանում է վահանաձև գեղձի ֆոլիկուլների զարգացումը: TSH-ի որոշումը վահանաձև գեղձի ֆունկցիան գնահատելու հիմնական թեստ է: Թիրեոտրոպ հորմոնը առավել զգայուն հորմոն է, որի մակարդակը վահանագեղձի խանգարումների դեպքում փոփոխվում է ավելի շուտ, քան մյուսները, այդ պատճառով ԹՏՀ արյան անալիզը պարտադիր մտնում է վահանագեղձի գործառույթի ցանկացած լաբորատոր հետազոտության մեջ: Թիրեոտրոպ հորմոնը (Թիրոետրոպին, TSH) սինթեզվում է հիպոֆիզի կողմից: Այս հորմոնն անհրաժեշտ է օրգանիզմի կենսագործունեության համար, քանի որ կարգավորում է վահանաձև գեղձի աշխատանքը։

TSH-ը պատասխանատու է վահանաձև գեղձի հորմոնների մշտական ​​մակարդակի պահպանման համար: Եթե նրանց մակարդակը դառնում է չափազանց ցածր, հիպոթալամուսն ազատում է TSH-ի սինթեզը ակտիվացնող հորմոնը: Վահանաձև գեղձի հորմոնի մակարդակի շեղումը նորմայից ամենից հաճախ վկայում է վահանաձև գեղձի ֆունկցիայի կարգավորման խանգարումների մասին, սակայն դրանց պատճառները ճշգրիտ որոշելու համար շատ դեպքերում անհրաժեշտ է լրացուցիչ հետազոտություններ: TSH-ի արդյունքների հիման վրա նորածինների մոտ ախտորոշվում է վահանաձև գեղձի ֆունկցիայի խանգարում, իսկ կանանց մոտ՝ անպտղություն։ Անալիզը նշանակվում է նաև որոշակի պարբերականությամբ՝ բուժման առաջընթացը վերահսկելու համար:

Արյան մեջ TSH-ի ցուցանիշը ավելի բարձր է գիշերը ժամը 02։00-04։00-ի հատվածում, իսկ առավոտյան այն մի փոքր նվազում է։ Ժամը 17։00-19։00 մինիմումի է հասնում։ Եթե գիշերը ավելի ակտիվ կենսակերպով են ապրում, նորմալ ռիթմը խանգարվում է, TSH -ը կարող է և բարձր, և ցածր ցուցանիշ ունենալ օրգանիզմում։ TSH-ը նաև ցածր ցուցանիշ է գրանցում հղիության, հիվանդությունների ժամանակ, իսկ լավացման շրջանում բարձրանում է։

Թեստը մինչև ժամը 14:00 հանձնելու դեպքում, արդյունքը՝ տվյալ օրը 17։30։

14։00-ից հետո՝ հաջորդ օրվա ընթացքում։

* Նմուշի ընդունման վերջնաժամկետները և պատասխանների հասանելիությունը կարող են տարբերվել՝ ըստ մասնաճյուղերի