Կարցինո-էմբրիոնալ անտիգեն (CEA)
7500 դրամ
Նկարագիր
Կարցինոէմբրիոնային հակածինը (CEA) սպիտակուցի և ածխաջրերի միացություն է, որը սինթեզվում է մեր օրգանիզմի որոշ բջիջների կողմից նվազագույն քանակությամբ: Քանի որ CEA-ի հետազոտության հիմնական ցուցումը օնկոլոգիական պաթոլոգիան է, և դրա բնականոն արտադրությունը հնարավոր է միայն ներարգանդային զարգացման ընթացքում, հայտնվեց նրա անունը՝ «կարցինոէմբրիոնային հակածին»:
Կարցինոէմբրիոնային հակածինների հետազոտությունը պարտադիր է, եթե կասկածվում է հաստ աղիքի կամ ուղիղ աղիքի քաղցկեղ: Նույնիսկ սկզբնական չարորակ փոփոխությունների առկայության դեպքում ուռուցքային բջիջներն արտադրում են CEA ավելի մեծ քանակությամբ, ինչը արտացոլվում է արյան մեջ դրա կոնցենտրացիայի մեջ:
Հետազոտությունն իրականացվում է նաև մի շարք այլ հիվանդությունների դեպքում, հատկապես թոքերի, ձվարանների, շագանակագեղձի, կրծքագեղձի ուռուցքային հիվանդությունների առկայության բարձր հավանականության դեպքում։ CEA-ն կարող է չափավոր աճել նաև ներքին օրգանների բորբոքային պրոցեսների և բարորակ նորագոյաթյությունների դեպքում։ Բացի այդ, CEA-ի որոշակի բարձրացում է դիտվում ծխախոտի և ալկոհոլի մշտական օգտագործման դեպքում։
Մեթոդ
ԻՔԼԱ (ICLA)
Կենսանմուշ
Երակային արյուն (Clot-Activator)
Հետազոտության նախապայմանները
• բացառել սննդակարգից ճարպային մթերքները թեստից 24 ժամ առաջ
• բացառել սննդակարգից ալկոհոլը թեստից 24 ժամ առաջ
Իրականացման ժամանակացույց
Թեստը մինչև ժամը 14:00 հանձնելու դեպքում, արդյունքը՝ տվյալ օրը 17։30։ 14։00-ից հետո՝ հաջորդ օրվա ընթացքում։
* Նմուշի ընդունման վերջնաժամկետները և պատասխանների հասանելիությունը կարող են տարբերվել՝ ըստ մասնաճյուղերի
7500 դրամ
