Կորտիզոլ շիճուկում

Կորտիզոլը մակերիկամների կեղևի հորմոն է։ Այն գլյուկոկորտիկոստերոիդ է, որը մասնակցում է ածխաջրերի, ճարպերի և սպիտակուցների նյութափոխանակությանը, ինչպես նաև որոշիչ դեր է խաղում սթրեսի զարգացման մեջ։ Կորտիզոլի մակարդակը կտրուկ բարձրանում է սթրեսային գործոնների ազդեցության տակ, ինչի շնորհիվ այն ստացել է «սթրեսի հորմոն» անվանումը։ Մակերիկամների կեղևի ցանցային շերտում կորտիզոլի ձևավորումը խթանում է հատուկ ակտիվ նյութը՝ ադրենոկորտիկոտրոպ հորմոնը (ACTH):

Այն ձևավորվում է հիպոֆիզում՝ ուղեղի կառուցվածքում, որը կապված է կենտրոնական նյարդային համակարգի հետ։ Որքան բարձր է կորտիզոլի մակարդակը, այնքան ցածր է ACTH մակարդակը: Եվ ընդհակառակը․ արյան մեջ կորտիզոլի կոնցենտրացիայի նվազման դեպքում ավելանում է հիպոֆիզի կողմից ACTH արտադրությունը։ Այս կերպ օրգանիզմը արյան մեջ պահպանում է կորտիզոլի անհրաժեշտ մակարդակը, քանի որ կորտիզոլի և՛ պակասը, և՛ ավելցուկը տարբեր հյուսվածքներում և օրգաններում առաջացնում են մի շարք փոփոխություններ:

Թեստը մինչև ժամը 14:00 հանձնելու դեպքում, արդյունքը՝ տվյալ օրը 17։30։

14։00-ից հետո՝ հաջորդ օրվա ընթացքում։

* Նմուշի ընդունման վերջնաժամկետները և պատասխանների հասանելիությունը կարող են տարբերվել՝ ըստ մասնաճյուղերի