Տեստոստերոն

Տեստոստերոնը հիմնական արական հորմոնն է (անդրոգեն): Սինթեզվում է տղամարդկանց ամորձիներում խոլեստերինից, կանանց մոտ՝ ձվարաններում և մակերիկամների կեղևում: Տեստոստերոնն ապահովում է առաջնային և երկրորդային սեռական հատկանիշների ձևավորումը և սեռական օրգանների զարգացումը, կարգավորում է սպերմատոգենեզը տղամարդկանց մոտ, երկու սեռերի լիբիդոն և սեռական վարքագիծը կախված են նրա մակարդակից։

Տեստոստերոնի սինթեզը և սեկրեցիան կարգավորվում են հիպոֆիզային գեղձի գոնադոտրոպ հորմոններով։ Տեստոստերոնի կոնցենտրացիան փոխվում է՝ կախված օրվա ժամից: Առավոտյան այն առավելագույնն է, իսկ օրվա ընթացքում հորմոնի կոնցենտրացիան աստիճանաբար նվազում է։ Տարիքի հետ տեստոստերոնի սինթեզը նվազում է։ Սա բնական գործընթաց է։ Տարբեր տարիքային կատեգորիաների համար սահմանված են այս հորմոնի իրենց չափանիշները: Հետազոտության արդյունքները մեկնաբանելիս բժիշկը հաշվի է առնում հիվանդի տարիքը և սեռը, ինչպես նաև մի շարք այլ գործոններ։
 

Թեստը մինչև ժամը 14:00 հանձնելու դեպքում, արդյունքը՝ տվյալ օրը 17։30։

14։00-ից հետո՝ հաջորդ օրվա ընթացքում։

* Նմուշի ընդունման վերջնաժամկետները և պատասխանների հասանելիությունը կարող են տարբերվել՝ ըստ մասնաճյուղերի